Sîyasetmedarê ke çarçewa ''Cipersayîşê Kobanê'' de ameybî destbenderkdene, îfadeyê înan ê asayîşî qedîya.

Wekîlê verênî yê HDPyî Sirri Sureyya Onder, Altan Tan, Ayla Akat Ata, Ayhan Bîlgen û endam Heyetê Rayberdişî yê Merkezê HDPyî, Can Memişî asayîşî de îfade da, sîyasetmedaranê bînan ''heqê xo yê bêvengî'' şuxulna.

Sîyasetmedaranê HDPyî ra çalakîyê Kobenê yê 5-8ê teşrîna verêne, vengdayîşê Heyetê Rayberdişî yê Merkezî, çalakî û aktîvîteyê ke tewrê ci bîyî, xeberê ke Ajansê Xeberan ê Firatî (ANF) û barekerdişê înan ê medyaya sosyale ameyî persayene.

Sîyasetmedarê ke asayîş de muameleyê înan temam bîyî, yeno pawitene ke ewro vejî dozgerîye.

Nameyê ke ameyî destbendkerdene wina yê: ''Hemşaredarê Qerdî Ayhan Bîlgen, Endamê Heyetê Rayberdişî yê Merkezê HDPyî Alp Altinor, Endamê Komîsyonê Karanê Teberî yê yê HDPyî Nazmî Gur, wekîlê verênî yê HDPyî Altan Tan, Ayla Akat Ata, Sirri Sureyya Onder, Hemsereka verênê ya BDPyî û wekîla verêne Emîne Ayna, endamê verênî yê Heyetê Rayberdişî yê Merkezê HDPyî Bircane Yorulmaz, Gulfere Akkaya, Berfine Ozgu Kose, Dileke Yagli, Can Memiş, Gunay Kubilay, Bulent Parmaksiz, Pervine Oduncu, İsmail Şengun û Cihan Erdal, endamê RTUKî yê HDPyî Ali Urkut, Hesabdaro Pêroyî yo verên yê HDPyî Zekî Çelîk û Prof. Dr. Emine Beyza Ustun."