Nobeta Edaletî ya Emîne Şenyaşar û lajê ci Ferît Şenyaşarî verê Edlîyeya Riha de dewam kena. Vizêr endamê Şubeyê Riha yê ÎHDyî bîyî meymanê 'Sifreyê Edaletî' yê Şenyaşaran û înan pîya verê edlîye de fitar kerd.

Hemserekê ÎHDyî yê Riha Mustafa Vefayî fitarî ra verî qisey kerd û vat: ''Ma do tim keyeyê Şenyaşarî hetî de bibê. Heta ke mesuldarê nê qirkerdişî bêrê dîyene û hesab bidê ma do têkoşînê xo rê dewam bikerê.''