Komîsyonê Zîndanan ê ÎHDyî yê Îstanbulî sey her hewteyî no hewte zî bi eşekrayîyêk bale ante rewşa tepişteyanê nêweşan ser. Hunermenda Sînema Nure Surer a pîya xeylêk temsîlkarê partîyanê sîyasîyan û rêxistinanê dmeokratîkan tewrê ci bîyî.

Eşkerayîye de bale ameye antene ke Sazîya Tibê Edlîyî (ATK) raporê ‘Nêeşkeno/a zîndan de bimano/e‘ erey danê û berpirsîyarî nê raporan ser o nêvîndenê û ame vatene ke nê semedî tepişteyî pê tabûtan zîndanan ra vejîyenê. Eşkerayîye de ame vatene ke sey xeylêk nêweşan heqê weşîye Abdulhakîm Eşîyokî destê ey ra yeno girewtene. Ame vatene ke Eşîyoko ke Zîndanê Tipê Tyî yê Osmanîye de yo xeylêk nêweşîye ey estê û rewşa ci zaf bîya  girane  û ame waştene ke Eşîyok û heme nêweşê tepişteyî wa cade sebest bêrê veradayene.