Şubeyê Îskenderunî yê ÎHDyî pê eşkerayîyêke waşt ke Zîndanê Îskenderunî de tepişteyê nêweşî Siddik Guker û Îsmaîl Tanboga bêrê veradayene. Endamê HDPyî û Hemserekê HDPyî Îskenderunî zî tewrê eşkerayîye bîyî.

Hemserekê ÎHDyî yê Îskenderunî Coşkun Selçukî pare kerd ke zîndanan de 590ê ci giranî 564 tepişteyê nêweşî estê û 2020 de 49 tepişteyî nêweşîyan ra merdî. Selçukî îfade kerd ke wa cade derheqê nê tepişteyan de agahîyî bêrê dayene û tepişteyê nêweşî bêrê veradayene.

Selçukî eşkera kerd ke Siddik Gulero 81 serre nêweşê qelb, tansîyon, romatîzma yo, bedenê ci beno mor û nêeşkeno qisey bikero.

Selçukî da zanayene ke Îsmaîl Tanboga zî nêweşê kanserî yo û semedo ke tira werdê dîyetî nêdîyenê kîloyê ci bîyo 35.

Selçukî venga Wezaretê Edaletî da ke wa Tanboga û Guler teber de bêrê tedawîkerdene.