Bi beşdarîya Hemserekê Komeleya Heqanê Merdiman (ÎHD) Ozturk Turkdogan û Endama Heyetê Rayberdişî yê ÎHDyî Nuraye Çevîrmen heyetêkî Wezîrê Edaletî Abdulhamît Gulî reyde kom bi û derheqê 'Planê Çalakîya Heqanê Merdiman' û 'Dokumentê Stratejî yê Reformê Edaletî' de fikrê xo pêşkêş kerdî.

Heyetî pêvînayîşî ra dima qisey kerd. Heyetî îfade kerd ke înan pêvînayîş de rewşa Zîndanê Îmraliyî û binpaykerdişanê heqanê tepişteyan ercnaye. Heyetî pêvînayîş de beyan kerd ke ganî tecrîdê Îmraliyî biqedo û Abdullah Ocalan heqanê xo ra îstîfade bikero.

Heyetî Wezaretî rê pare kerd ke heta ke tecrîd dewam bikero tepişteyî zî do grevê vêşanîye rê dewam bikerê. Heyetî vat: ''Meseleya tewr pîle ya Tirkîya meseleya kurdan a û rayîrê çareserîya na mesele zî Abdullah Ocalan o. Ocalan aktor û lîderê prosesê çareserî yo. Eke grevê vêşanîye wina dewam bikero zaf tepişteyî do dinyaya xo bibedilnê. O çax mesele do bira giranêr. Ganî Zîndanê Îmraliyî bêro qefilnayene. Eke ma wazenê meseleya kurdan ser o qisey bikerê ganî ma verî rewşa Abdullah Ocalanî ser o qisey bikerê.''