Înîsîyatîfê Şarî yê Kurdîstanî derheqê Hemleya ''Tecrîd, Faşîzm, Îşxalî rê Bes o, Wext Wextê Azadîye yo'' de eşkerayîye daye û nê vatî:

''Rixmê heme hêrişan têkoşînê şarê kurdî û PKKyî yo ke Rayber Apoyî ra musayî bi pîlbîyayîş dewam keno. Vera hêrişê înkar û îmhayî, teslîmîyet û xayînîye bê pawitişê estbîyayîş û azadîya xo yewna  rayîrê ma çîn o. Rêxistinîyayîş û vera nîjadperestî û faşîzmî desfînayîşê azadîye heqê ma yo tewr komelkî yo.

Sîstemê modernîteya kapîtalîste yê dinya ke Îmrali de Rayber Apoyî rê gardîyanîye keno, temsîlkara ci ya Rojhelatê Mîyanênî zî dewleta tirk a. Dewleta tirke na sîstemê de hem stratejîk hem zî helqeya tewr zehîf a. Coka bi çînkerdişê na helqa sîstemê modernîstî rê zî derbê mergî do bêro  pirodayene.

Ma sey şar eke xover bidê û şer bikerê ma ewro û ameyoxê xo yê azadî fînenî dest. Sere de çar leteyan de û teberê welatî de şarê kurdî yo welatperwer heme hetê demokratîke ganî vajê roje roja wayîrvejîyayîşç îrede û anorî ya û çalakîyan bikerê. Ganî kurdê bianor û azadî ewro ra tepîya romenişê. Şexsîyeto azad oyo ke rêxistinker de çalakîye keno.

Roje roja hêrs, şikyayîş, qefilyayîş û xo peyser antişî nîya. Ganî bi ruhê yewîya neteweyîye xoverdayîş bêro kerdene. Ganî şarê ma Vakûrê Kurdîstanî û metropolanê Tirkîya de ewro ra tepîya înîsîyatîfê her tewir çalakîyan bişuxulno û Vakur semedê AKPyî biaçarno cehenemî. Ma veng danê şarê kurdî ke sere de cinî ciwanî û her ca de xoverdayîş pîlêr bikerê.''