Hemserekê DEM Partî yê Anqara Fatih Kanat ke tewrê mîtîngê pîlî yê Colemêrgî bi ANFyî rê qisey kerd.

Fatih Kanat ard ziwan ke bajarê Kurdîstanî mantikê îdareyê pêtî yenê îdarekerdene û vat: ''Îqîtdarî nêverdenê ke çirey cografyaya Kurdîstanî bê OHAL û îdareyê petî bimano. Badê pêkewtişanê 15 temmuze hinî qanûnî bi temamî ameyî wedaritene û dişmenîya vera kurdan dahîna eşkera yena mojnayene. Têna kurdî nê kam ke paştî bido kurdan zî sey dişmenî yeno vînayene. Qeyûm zî na çarçewa de yê. Bi qeyûman têna herinda şaredarî de walî û qeymeqaman ca nêkenê, bi nê caardişî yeno vatene ke şarê kurdî hemwelatî nîyo, kurdî çîn hesibîyenê.

Mesaj eşkera yo vanê yew qiymetê weçînayîşî çîn o. Xora kurdê ke pîya bi ziwan û kulturê xo çîn hesibîyenê vera nê zulmî bi heme estbîyayîşê têkoşîn kenê. Şar xora vera tecrîdê Îmraliyî û destsernayîşê heqê tepişteyan dekerde yo. Rixmê heme zextan partîya ma semedê sîyasetê demokratîkî kerdo xo çeng. Ganî têkoşînê Colemêrgî dahîna bêro xurtkerdene, açarîyo têkoşînê azadîya komelkî û demokrasîyî. Destkewteyê nê têkoşînî zî do gird bê.''