Îran de Zahra Mohammadî dest pê grevê vêşanîye kerd
Mamostaya kurdkî û Sereka Komeleya Kultur û Komelkî ya Nozîne Zara Mohammadî Zîndanê Sanandajî yê Îranî de dest pê grevê vêşanîye kerd.
Mamostaya kurdkî û Sereka Komeleya Kultur û Komelkî ya Nozîne Zahra Mohammadî seba ke dersê kurdkî dayêne bi bahaneya 'asayîşê neteweyî binpay kena' tepişîyabî û cezaya zîndanî ya 5 serran dîyabî ci.
Zara Mohammadî Zîndanê Sanandajî yê Îranî de vera îşkenceyê serê cinîyan ê tepişteyan dest pê grevê vêşanîye kerd.
Goreyê Rêxistina Heqanê Merdiman a Hengawî wextê peyênî de çalakîyanê vera qetilkerdişê Jîna Emînî ra dima 20 ra zêdeyêr cinîyî erşawîyayî Zîndanê Sanandajî.
Hengawî da zanayene ke aktîvîsta kurde Zîna Modaresgarjî zî vizêr vera îşkence û kerdişanê xiraban dest pê grevê vêşanîye kerdo.
Hetê bînî ra keyeyan verê Zîndanê Evîne de çalakîya protestoyî kerde.
