Kongreya 12ine ya PKKyî mabênê 5-7ê gulane de amebî kerdene.

Delegeyanê kongre ra Zilare Stêrk nê ercnayîşî kerdî:

‘’Her çiqas ma paradîgmaya Rayber Apoyî bi temamî fam nêkerdî, nêardî ca zî 26 serran de têkoşînê xo aver berd. Warê leşkerîyî ra heta waranê dîplomatîk, komelkî, îdeolojîk û sîyasîyan averşîyayîşî qewimîyayî. Ame dîyene ke Têkoşînê Azadîye yê Kurdîstanî do qetî nêro binvistene û çinkerdene.

Komployo Mîyanneteweyî aver şi, verê cû mîyanê rêxistine de tasfîyekerîye ameye kerdene, bi çekanê NATOyî hêrişî ameyî kerdene û rêxistine bîye hedefê çinkerdişî. Her çiqas ma dişmen bi temamî çin nêkerd zî rixmê pêro hêrişan PKK payan ser de yo. Pêro dinya na vînena. Hêzê mîyanneteweyîyî zî ney vînenê, dewleta tirke zî naye vînena. Înanê ke se serrî yo polîtîkayê înkar û îmha ferz kerdê îradeyê PKKyî dîyo.’’