Vizêr roja 48. de zî Îran û Rojhelatê Kurdîstanî de çalakîyan dewam kerd. Bi taybetî Sine, Merîwan û Seqiz de dikan û marketî ameyî qefilnayene.

Sine de tay ciwanan adir vist ta û hêzê Îranî protesto kerdî. Rojhelatê Kurdîstanî de Kirmaşan, Merîwan, Seqiz, Bokan, Mahabad û ê bînan de serkêşîya cinî û ciwanan de bi sloganê 'jin, jiyan, azadî' çalakîyî ameyî kerdene.

Şaristananê Îranî de zî wendekaran zanîngehî boykot kerdî. Kerec, Efsehan, Tahran û Şîraz de hêzanê Îranî hêrişê çalakîyanê wendekaran kerd. Reyna Tehran, Terwîz û Esfahan de bi sloganê 'jin, jiyan, azadî' çalakîyî ameyî kerdene.

Goreyê Rêxistina Heqanê Merdiman a Îranî heta nika 40ê ci domanî 277 kesî çalakîyan de ameyê qetilkerdene. Rêxistine pare kerd ke beno ke na hûmara bizêdîya. Goreyê ajansê Harana zî heta nika 48ê ci domanî 277 çalakîkerî ameyê qetilkerdene.