Bagcilarê Îstanbulî de serkêşîya Têgêrayîşê Cinîyan ê Azadan (TJA) û Partîya Demokratîke ya Şaran (HDP) de Dayîkê Haştîye û xeylêk cinîyî ameyî têhet, adirê Newroze yo verên ê Îstanbulî kerd we.

Şayîya ke Taxa Demirkapi de ameye kerdene de sloganê sey “Newroz pîroz be” û “Jin jiyan azadî” ameyî vatene û cinîyan xo serê adirî eşt.

Aktîvîsta TJA Fîlîze Peştek Keskîn verê adirê Newroze de eşkerayîye daye. Keskîne vat: ''Nê prosesê krîzanê komelkî û ekonomîkî de ke hêvîya ameyoxî ya cinîyan û ciwanan qedîyaya, ma dekewnê Newroze.  Rixmê her çîyî, ameyîşê wisarî, na Newroza de ke sîmgeyê hêvî û xoverdayîşî ya sey hîkayeya Kawayê Asinkarî, bi hêz û renganê hêvî derûdorê adirî de ameyî têhet.''

Cinîyan bi sloganan şayîye qedînaye.