Goreyê xeberanê ke ameyî destvistene taxa 75. Yilî ya qezaya Sultangazî ya Îstanbulî  de apartmana bi des daîreyan de ke tede 3 keyeyê elewîyan ciwîyenî dêsê înan ameyî nîşankerdene û nuşteyê ''şima do bimirê'' ame nuştene.

Keyeyî nê gefî ra dima gêrayî polîsan û rewşe pare kerde. Polîsanê ke ameyî cayê serebûtî cigêrayîşê rêçê engiştan kerd. Hewteyanê peyênan de hêrişê winasênê ke elewîyan kenê hedef bîyî zêde. Hêrişo tewr peyêne hewteyê serrgêra 41. a Qirkerdişê Mereşî ya 19-26ê Kanuna 1978 de ame kerdene.