Goreyê xebera Ajansê Mezopotamya artêşa tirke ya îşxalkere Koyê Gabarî de hêrişê mezelanê gerîlayan ê şehîdan kerd, kerrayê mezelan şikitî.

Gerîlayê HPG û YJA Starî yê ke wextanê cîya cîyayan de şehîd bîyî û Koyê Gabarî yê Şirnexî de ameyî definkerdene mezelê înan hetê leşkeranê tirkan ra ameyî texrîbkerdene.

Şehîdgehê  dewa Baretî de yo ke serranê 90yan de amebî vengkerdene, kerrayê 100 mezelan  hetê leşker û kontrayan ra bi tope ameyî şiknayene. Dîmenan de yeno vînayene ke verê mezelan de xeylêk mezelê vengî zî est ê.

Mescît û tuwaleto ke verê mezelan de ameybî înşakerdene ê zî ameyî serûbinkerdene. Reyna jenator û malzemeyê mitbaxe yê ke dewijan ûca nayîbî ro ê zî hetê kontrayan ê ke herême de daran birnenê ra ameyî dinzayene.