Partîya Kede (EMEP), Partîya Karkeran a Tirkîya (TÎP), Partîya Azadîya Komelkîye (TOP), Federasyonê Meclîsanê Sosyalîstan (SMF) û Partîya Têgêrayîşê Kedkarî (EHP) vengdayîşê HDPyî ser o Îtîfaqê Kede û Demokrasî awan kerdbi. Îtîfaqê Kede û Demokrasî 24ê êlule de, qezaya Beyogluyî ya Îstanbulî de, merkezê Kongre yê Halîçî de bi deklarasyonêkî do xerîtaya xo ya rayîrî eşkera bikero. Bernameyê eşkerakerdişê xerîta sey Rayraşîyayîşê Demokrasî yê Pîlî yeno pênasekerdene. Hemserekê HDPyî Pervîne Buldan û Mîthat Sancar, Endamê Heyetê Rayberdişî yê Merkezî û endamê Meclîsê Partîye do tewrê eşkerakerdişî bibê.

Partîyê îtîfaqî 10 rojî yo rêxistinanê komelê sivîlî zîyaret kenê û înan dawetê bernameyî kenê. Heta nika qasê 300 rojnameger, huqûqnas û rîsipîyî ameyî zîyaretkerdene û dawetkerdene.

Pawitoxê heqanê merdiman, nuştox, roşnvîr, akademîsyen, hunermendî zî tede seba beşdarîye bernameyî 40 endamanê Heyetê Şêwirmendîye rê dawetname ame erşawitene. Wina pawîyeno ke nê endamê Heyetê Şêwirmendîye do tewrê bernameyî bibê: Ahmet Tellî, Ahmet Turk, Akin Bîrdal, Alî Alfatli, Alî Bayramoğlu, Ayşe Erzen, Ayşegul Devecîoğlu, Bulent Kuçuk, Celîl Kaya, Cîhan Sîncar, Erdoğan Aydin, Fatma Gok, Ferda Koç, Gençay Gursoy, Halîl Aksoy, Hamît Geylanî, Hasan Cemal, Kenan Kalyon, Kerem Firtina, Levent Koker, Mahmut Demîralp, Mehmet Altan, Meral Camcı, Mustafa Kemal Coşkun, Mûzaffer Kaya, Nacî Kutlay, Nîzamettin Togûç, Nûrettîn Sozmez, Nûrten Ertûgrûl, Onûr Hamzaoglû, Ozgur Muftuoglû, Riza Turmen, Several Ballikaya, Sevîlay Çelenk, Seyfî Ongîder, Sirri Sakik, Sirri Sureyya Onder, Sureyya Karacabey, Şebnem Ogûz, Tarik Ziya Ekîncî, Velî Buyukşahîn, Yavûz Onen, Zerrîn Şahîn Kûrtoglû.

Partîyê Îtîfaqî seba eşkerakerdişê xerîta broşuran vila kenê û qeza bi qeza gêrenê.