Îzmîr de hûmara qurbananê erdlerzî bîye 114
Xebata cigêrayîş û xelisnayîşî ya erdlerzê Îzmîrî qedîyaye. Dîya zanayene ke erdlerzê Îzmîrî de 114 kesî merdî û 1035 kesî zî birîndar bîyî.
Erdlerzê Îzmîrî de hûmara kesanê ke dinyaya xo bedilnaye resaye 114. Xebata cigêrayîş û xelisnayîşî ya erdlerzê Îzmîrî roja 5. de qedîyaye.
Goreyê zanayîşan ê peyênan erdlerz de bi temamî 114 kesî merdî û 1035 kesî zî birîndar bîyî. Birîndaran ra tedawîya 137 kesan dewam kena.
Şewe erey dima ke meyîtê Zarîfe Dogan binê bînaya rijîyaye ra ameye vetene xebata cigêrayîş û xelisnayîşî qedîyaye.
Makîneyê karî xirabeyê bînayan wedarenê.
