22ê adare de operasyonê qirkerdişê sîyasîyî yê Îzmîr de xeylêk kesî ameybî destbenderdene.

Endamê Heyetê Rayberdişê Merkezî yê HDPyî Îdîl Ugurlu, Dayîka Haştîye Behîye Yalçin, Selma Demir, Hayate Izgi û Newroze Çelik badê îfadedayîşî ameyî berdene serdozgerîye û tîya ra Dadgerîya Ceza Sulhî rê ameyî sewqkerdene. Panc cinîyî bi îdîaya ''endamîya rêxistine'' û beyananê ''şahîdanê eşkera û nimiteyan'' ameyî tepiştene.

Cinîyê ke ameyî tepiştene xemedê sebatanê HDP û TJA zî ameyî sucdarkerdene.

HDPyî bi eşkerayîyêke vera operasyonê qirkerdişê sîyasîyî  hêrsê xo ard ziwan û vat: ''Embazê ma bi hewayêkê bêhuqûqî ameyî tepiştene.  Îqtîdarê ke şar binê rijnayîşî de verda, wa bizano ke roja hesabî nêzdî ya.''