Temsîlkaranê rêxistinanê sivîlî û partîyanê sîyasîyan ê Îzmîrî seba serrgêra 24. ya Komployê Mîyanneteweyî yê 9ê Teşrîna Verêne ya 1998î yê vera Rayberê Şarê Kurdî Abdullah Ocalanî bînaya HDPyî ya Îzmîrî de kombîyayîşêko çapemenîye kerd.

Kombîyayîş de ame parekerdene ke serrgêra Komployî de 9ê teşrîna verêne de, saete 15.00 de Warê Basmane de rayraşîyayîşêko pîl bi şîarê 'Ma şinê azadîye' bêro kerdene.

Kombîyayîş de Îdarekara EGE-TUHAY-DERî Leyla Kaygisiz qisey kerd û pare kerd ke tecrîdê Îmraliyî ameyoxê pêro şaran keno hedef û vat: ''Birêz Ocalanî Îmrali de pê awankerdişê paradîgmaya çareserîya demokratîke komplo pûç kerd. Tecrîd hem goreyê huqûqê zereyî hem zî goreyê huqûqê mîyanneteweyî sûc o. Tecrîd çaresernêkerdiş de israr o. Heta ke tecrîdê vera Ocalanî nêro şiknayene têkoşînê ma do dewam bikero. Ma venga pêro şaran danê ke 9ê teşrîna verêne de tewrê Rayraşîyayîşê Azadîye bibê.''

Nameyê partî û rêxistinanê ke tewrê kombîyayîşî bîyê wina yê:

“Kongreya Demokratîk a Gelan (HDK), Tevgera Jinên Azad (TJA), Partiya Demokratîk a Gelan (HDP), Partiya Herêmên Demokratîk (DBP), Komeleya Alîkarî û Piştevaniya Malbatên Xizmên Winda Kirine ya Anatoliyê(ANYAKAY-DER), Însiyatîfa Dayikên Aştiyê, Komeleya Elewiyan a Demokratîk (DAD), Komeleya Piştgirî û Piştevaniya Malbatên Girtiyan a Egeyê (EGE-TUHAYDER), Komeleya Alîkarî û Piştevaniyê ya Alimên Olî (DIAYDER), Komeleya Lêkolînên Ziman û Çandê ya Avesta (AVESTA ZIMAN) û Komeleya Hiqûqnasên ji bo Azadiyê (OHD).”