Roniştişo 5. yê Dewaya Kobanê ke tede 108 kesî yenê muhakemekerdene Kampusê Zîndanê Sîncanî de ame kerdene.

Derheqê îfadeyanê Kerem Gokalpî de çîyê ecebî vejîyayî werte ke Gokalp şahîdanê Dewaya Kobanê û dewaya qefilnayîşê HDPyî yo. Goreyê dokomentêkê dosya Gokalpê tepişteyî 24ê kanûna 2019î de semedo ke îfade bido waştişname nuşto û zîyaret kerdo. Waştişnameyê vi ameyo qebulkerdene û Mehkemeya Cezaya Sulhe ya Anqata derheqê ci de çimderîya îdarîye daya. Bire ra rojêke dima 25ê kanûna 2019î de Gokalp Zîndanê Sîncanî ra ameyo berdene bi Mudirîya Polîsan a Anqara.

Gokalpî dima ke teslîm bibi û tepişîya derheqê çalakîyanê Kobanê de îfade nêdabi, dima zî pê bira 'çimdarîya îdarîye' ameyo berdene bi TEMê Anqara û 15 rojî tîya de tepişîyayo.

Îfadeyê ke Gokalpî Mudirîya Polîsan de dayê tewrê dosya ameyî kerdene û dozgerîye îdîanameyê Dewaya Kobanê de zî ca da nê îfadeyan.

Avûkatan roniştiş de waşt ke îfadeyê Gokalpî yê verênî dosya rê bêrê îlawekerdene. Avûkatan waşt ke ganî bêro cigêrayene ke Gokalp îfade ra verî û dima hetê kam kesan ra ameyo zîyaretkerdene.