TJA, DBP û DEM Partî verê vengdayîşê tarîxîyî yê Rayber Apoyî yo ke do ewro saete 17:00 de bêro kerdene, vengdayîşo hempar kerd.

Eşkerayîya ke banê DEM Partî yê Amedî de ameye kerdene hetê Hemserekê DBPyî yê Amedî Mehmet Şirin Gurbuzî ra ameye dayene Gurbuzî vat: ''Ma vatişanê mîmarê haştîye Birêz Ocalanî esas genê.''

Gurbuzî nê vatî: ''Ma eşkerayîya ewroyî bimana û muhîm vînenê. Ma ewro reyna vînenê ke tecrîd ame betalkerdene û xeyrê ci nêrasa şaran. Ewro do eşkerayîya Birêz Ocalanî bireso şaranê dinya. Îradeyo ke tim haştîye û pîyaciwîyayîşî wazeno û çirey peyser geme nêerzeno, ma selam kenê.''

Gubuzî veng da şarî ke ma wa saete 16:00 de Meydanê Şêx Seîdî bêro têhet û wina vat: ''Ma pêro pîya vengdayîşê tarîxîyî yê Rayber Apoyî goştarî bikerê. Ma tim vat polîtîkaya çînhesibnayîşê kurdan caverdê. Bi mîlyonan kurdî paştî danê xerîtaya rayîrî. Ma reyna veng danê şarê xo: Ma Amedî ra ramojnê ke eşkerayîya Birêz Ocalanî hetê şarê Kurdîstanî û şaranê dinya ra senî yena wayîrvejîyayene.''

Hemsereka DEM Partî ya Amedî Gulşene Ozer zî vist vîrî ke Rayber Apo tim têkoşînê haştîye rayra beno û vat: ''Ê ke haştîye wazenê ma veng danê înan. Ma nê mesajî heme dinya ra vila bikerê. Ma sey şarê Kurdîstanî semedê haştîye Meydanê Şêx Seîdî bêrê têhet.''