Mehkemeya Cezaya Giran a 5ine ya Dîyarbekirî  cezaya zîndanî ya 3 serran û 9 mengan daye  Hemşaredarê Bajarê Pîlî yê Wanî Abdullah Zeydanî.  Bado ke qerarê ceza ame eşkerakerdene şarê Wanî verê şaredarî de ame têhet. Şar vera tehdîtê qeyûmî verê şaredarî de nobete tepişeno. Şarê ke verê şaredarî de çadirî nayî ro rixmê serdî saetanê şanî de zî şaredarî canêverda.

Ciwanan bi deyîran govende girewte û sloganê sey ''Bijî berxwedana gelê Kurd'', ''Ma do bi xoverdayîşî ser bikewê vatî'' Şarê Wanî do heta serê sibayî nobete tepişo û serî sibayî sey girseyî taxan ra ver bi şaredarî rayra şiro.

Hemserekê Pêroyî ya DEM Partî Tulaye Hatimogullari û Hemsereka Pêroyî ya DBPyî Çîgdeme Kiliçgun Uçar ewro do bêrê bajar û tewrê eşkerayîya çapemenîye bibê.

Reyna do her şan saete 21.00 de 5 deqeyî çalakîya roşnhewnakerdişî bêro kerdene.