Bado ke cezaya zîndanî ya 3 serran û 11 mengan  dîyaye Heşaredarê qezaya Miksî ya Wanî Ayvaz Hazirî Şaredarîya Mîksî ameye xespkerdene.

Herinda Hemşaredarê Miksî Ayvaz Hazir û Nebahate Benek de qeymeqamanê tirkan ra Harun Arslanargun ame cakerdene.

Polîsê ke şîyî verê şaredarîye ke qerarê derbeya qeyûmî bidê zanayene raştê nêrazîbîyayîşê şarî ameyî. Ayvaz Hazirî zî vat o do nê nuşteyî îmza nêkero. Mabênê şarî û polîsan de pêrodayîş vejîya.

Hemserekê DEM Partî û DBPyî yê Wanî, wekîlê DEM Partî hemşaredarê bajarê pîlî û hemşaredarê qezayan zî tede xeylêk kesî verê şaredarîye de ameyî têhet. Wekîlanê DEM Partî Mahmut Dindar û Sinan Çiftyurkî ke tîya qisey kerd vera qeyûman hêrsê xo ard ziwan û vat haştîye bi qeyûman nêbena.

Leşkeranê tirkan rayîrê Miksî zî girwet binê ablûqa û dekewtiş û vejîyayîşî qedexe kerdî. Reyna banê DEM Partî yê Wanî zî gerîya binê ablûqa û heme kuçeyanê bajarî de panzer û polîsî ameyî cakerdene.