Şarî bi girseyî tehzîyeya gerîlaya YJA Starî Arjîne zîyaret kerde
Semedê gerîlaya YJA Starî Burcu Durmuşa ke aşma tebaxe de Herêmanê Pawitişî yê Medya de şehîd bîye, Mersin de tehzîye ameye ronayene. Şarî bi girseyî tehzîye zîyaret kerde.
Semedê gerîlaya YJA Starî Burcu Durmuş bi nameyê koyî Arjîne Êrtuşa ke18ê tebaxe de Metîna de şehîd bîye, taxa Demîrtaşî ya qezaya Torasan a Mersinî de tehzîye ameye ronayene.
Îdarekarê HDP, MEYA-DER û TUAY-DERî zî tede Xeylêk kesan bi hewayêkê komkî tehzîye zîyaret kerde. Şar Rêxistina HDPyî ya Toroslarî ra heta keyeyê şehîde bi slogananê “Şehid namirin” û “Bijî berxwedana gerîla” rayra şi.
