Cinîyan bi wesîleya rojbîyayîşê Rayberê Şarê Kurdî Abdullah Ocalanî xeylêk şaristanan de leyî nayî ro.

Adana de Meclîsê Mayanê Haştîye taxa Şakîtpaşayî ya qezaya Seyhanî de leyî nayî ro. Mayan vera tecrîdî nêrazîbîyayîşê xo mojna û waşt ke Abdullah Ocalan azad bo.

Qezaya Dêrikî ya Mêrdînî de zî cinîyan seba rojbîyayîşê Ocalanî leyî nayî ro. Cinîyan wextê prosesê ronayîşî de ard ziwan ke leyî bibê wesîleya haştî û azadîye.

Şirnex de Endamanê Meclîsê Cinîyan ê HDPyî û aktîvîstanê TJA 'Baxçeyê Serekîye' de leyî nayî ro. Wekîla HDPyî Nurane Îmîr zî beşdara çalakîye bîye. Cinîyan pê sloganê 'Biciwîyo Serek Apo' leyî nayî ro.