Sereka Konseya Merkezî ya Yewîya Tabîbanê Tirkan (TTB) Şebneme Korur Fîncanci seba ke waştbi ke hêrişê kîmyewîyî bêrê cigêrayene 27ê teşrîna verêne de amebî tepiştene.

Fîncanciye zîndanî ra mesajêk şawit û vat: ''Mi tam xo seba eşkerayîyêka zanistî amade kerdêne la wext nêvejîya wa deynê mi bo. Ez wazena ke şima têkoşînê mi rê dewam bikerê. Her çiqas ez mîyanê şima de nîya zî ez bi zerrî û ganî şima hetî de ya.

Cara hewceyê mi bi nefesgirewtişî est bi, wina bihesibînê ke ez kewta tatîl. Cîyabîyayîşê ma zengînîya ma ya. Paştdayîşo ke wextê tepiştişî de şima mojna, eyneyê ney o. Bêmabên b dostanî û paştdayîşî ma do têkoşînî rê dewam bikerê.''