Şaristanê Dortmundî yê Almanya de şehîdê Qamişloyî Yûsif Gulo û di tornê ci ameyî yadkerdene. Merasîmê yadkerdişî Kurdisch Zentrum de ame kerdene û Hemserekê KCDK-E Yuksel Koç, Endama Koordînasyonê Kongreya Starî Asya Abdullah û temsîlkarê PYDyî zî tewrê merasîmî bîyî. Merasîm de sînevîzyonêk ame mojnayene.

Dima KOMAWî ser o Cemîl Gultekînî qisey kerd û vat: ''Dewleta tirke pê paştdayîşê welatanê Ewropa kurdan qetil kena. Wa her kes bizano ke oxirê nê rayîrî de 60 hezar şehîdî dîyayî.''

Merdimê şehîdanNacah Guloyî ard ziwan ke no qirkerdiş mojneno ke dewleta tirke senî bêçare menda û hêrişê kokiman kena. Guloyî vat: ''Wa Erdogan bizano ma do mebermê. Înan hîrê kurdî qetil kerdî la bi mîlyonan kurdî payan ser de yê. Heta Rayber Apo azad bibo ma do têkoşîn bikerê.''

Hemserekê KCDK-E Yuksel Koçî zî qiseykerdişê xo de pare kerd ke na seserre do biba seserra kurdan û têkoşînê kurdan hînî do ser bikewa. Endamê PYDyî Bavê Narînî vat: ''Şehîdê ma ma rê akademîya xoverdayîşî yê.''

Endama Koordînasyonê Kongreya Starî Asya Abdullah zî şehîdê keyeyê Guloyî û Fermandara Qerargehê Merkezî ya YJA-Starî Delale Amed yad kerdî û vat: ''Ma do vera hêrişanê kîmyewîyan bêveng nêmanê. Modelê Rojawanî modelê Rojhelatê Mîyanênî yo. Ma ça de benê wa bibê vera hêrişanê serê destkewteyanê kurdan têkoşînî pîl bikerê.''

Merasîm pê slogananê 'Şehîdî nêmirenî' û 'Ey şehîdî rayîrê şima rayîrê ma yê' qedîya.