Şehîdê menga teşrîna verêne xeylêk şaristananê Almanya û Fransa de bi merasîmanê cîya-cîyayan ameyî yadkerdene.

Şaristanê Freiburgî yê Almanya de Merkezê Komelê Demokratîkî yê Kurdan de şehîdê teşrîna verêne ameyî yadkerdene. Merasîmê yadkerdişî de ame vatene ke Têgêrayîşê Azadîye têgêrayîşê şehîdan o û xêrê şehîdan ra dinya qala kurdan kena.Merasîm pê sloganan qedîya.

Paytextê Almanya Berlin de Lorenzo Orsettî (Têkoşer Piling) bi merasîmêk ame yadkerdene. Merasîmî pê deqayêkê rêzgirewtişî dest pêkerd.  Qiseykerdişan de ame vatene ke Şorişê Rojawanî milê şehîdan de beno berz. Merasîm de derheqê Pilingî de sînevîzyonêk zî ame mojnayene.

Şaristan Kielî yê Almanya de rayberîya Defend Kurdistan de Konstantîn Gedîk (Andok Cotkat) û şehîdê teşrîna verêne ameyî yadkerdene. Defend Kurdistan Kîel, Kurdistan Solidaritatskomitte, Rojava Solidaritattekomitte, Komelê Kurdan ê Kielî, Koordînasyonê Antîfa yê Kielî, die Linke û xeylêk kurdî tewrê merasîmî bîyî. Qiseykerdişan de qala têkoşînî ameye kerdene.

Şaristanê Rennesî yê Fransa de Şexsê Senare Zagros û Çekdar Rêdûrî de şehîdê teşrîna verêne bi merasîmêkî ameyî yadkerdene. Merasîm Merkezê Komelê Demokratîkî yê Kurdan de ame kerdene. Merasîm de dadîyanê şehîdan qisey kerd û ard ziwan ke ê do rêçê şehîdan de bibê. Merasîm pê sloganan qedîya.