Emîne Şenyaşar û Ferît Şenyaşar roja 350. de verê Edlîyeya Riha de çalakîya xo ya nobeta edaletî rê dewam kenê.

Emîne Şenyaşar derheqê nobete de qisey kerd û pare kerd ke nêzdîyê serrêk o ê edaletî wazenê. Emîne Şenyaşar vat: ''Wijdanê nê hukmatî çin o. Lajê mi ho zîndan de yo. Ma rê zulm yeno kerdene. Wa no zulm biqedo. 3 kesî kişîyayî, oyo bîn erzîya zîndanî. Erdogan çira peyê kiştoxan de vindeno? Çimê mi nêvînenê, ez lajê xo wazena.''

Ferît Şenyaşarî zî ard ziwan ke bi rayîrê dadgerîye înan rê zulm yeno kerdene û vat: ''Qirkerdiş ame kerdene la kiştoxî gêrenê. Bi rayîrê dadgerîye ma rê zulm yeno kerdene.''