Bi wesîleya Roja Dadîyan xeylê şaristanan de çalakîyî ameyî kerdene û seba haştîye veng dîya.

Amed de serkêşîya TJA de qezaya Yenîşehîrî de çalakîyêke ameye kerdene. Dadîyan tîya de pankarta ‘Dîyarîya tewr rinde seba dadîyan haştî ya’ akerde. Hemsereka DBPyî Çîgdeme Kiliçgun Uçar çalakîye de qisey kerd û pare kerd ke ê do dadîyan reyde haştîye awan bikerê û wext wextê têkoşîn û serkewtişî yo. Mayanê Haştîye ser o Muruvete Demîr zî venga her kesî da ke wa paştî bidê prosesê haştîye.

Sêrt de qeraxê Çemê Başûrî de çalakîyêke ameye kerdene. Hemşaredara Sêrtî Sofya Alagaş zî tede xeylê cinîyî tewrê çalakîyî bîyî.

Riha de Mayanê Haştîye û TJA dewa Rayber Apoyî Amara de eşkerayîyêka çapemenîye daye. Birayê Rayber Apoyî Mehmet Ocalan û Wekîla DEM Partî Dîlane Kunt Ayan zî tewrê eşkerayîye bîyî. Eşkerayîye de ame waştene ke wa dewlete seba haştîye game bierza. Çalakîye bi slogananê "Şehîd Namirin", "Bê Serok Jiyan Nabe", "Bijî Serok Apo" qedîyaye.

Şirnex de TJA bajarekê Gundikê melê de çalakîyêke viraşte. Endama TJA Çîmene Fîdan çalakîye de vat ke ê do têkoşînê haştîye tim bikerê.

Mêrdîn de Mauanê Haştîye û TJA pîya Nisêbîn de çalakîyêke kerde. Maya Haştîye Halîme Kaya hesreta haştîye ya dadîyan arde ziwan û vat ke ê têkoşînê haştîye de isrardar ê.