TJK-E da pêhesnayene ke ê do çarçewaya hemleya ''Abdullah Ocalanî rê Azadîye, Meseleya Kurdan rê Çareserîye''de 3yê gulane de kampanyaya ''Dîyaloganê bi cuya azade'' bidê  destpêkerdene. Vervatoxa TJK-E Aytene Kaplan derheqê kampanya de ANFyî rê qisey kerd.

Aytene Kaplan bale ante vengdayîşê Rayber Apoyî yê 27ê sibate ser û nê vatî: ''Ma wazenê paradîgmaya Rayber Apoyî vila bikerê û fikr û pêşnîyazanê hetanê cîya cîyayan bigîrê. Ma do platforman de derheqê cayê cinîyan ê mîyanê komelî ser o muanqeşe bikerê. Komelo demokratîk têna bi azadîya cinîyan beno. Her herême do goreyê xo çalakî û aktîvîteyan bikero. Ma do 3yê gulane de xeylê merkezan de rayraşîyayîşan bikerê.

Pede pede do çalakî û aktîvîteyê ma hîra bê. Ma hedef kenê ke hetanê cîyayan zî tewrê kampanyaya xo bikerê. Ma do pîya bi cinîyan ê îranijan, asûrî-sûryanî û armenîyan bêrê têhet. Eke ma bedilnayîş û bedilîyayîşî wazenê gerek ma cinîyan ê bînan de pîya têbigêrê. Her kes eşkeno paştî bido nê prosesî. Prosesê nê munaqeşeyan de ya zî prosesê dîyalogan de her kes eşkeno bi fikranê xo paştî bido. Ma veng danê cinîyan û komelê xo ke wa tewrê nê munaqeşeyan bibê. Wa her kes wayîrê nê prosesî bivejo.''