Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî qetilkerdene 616 rojî yo verê Edlîyeya Riha de, lajê xo Ferît Şenyaşarî reyde nobeta edaletî kena.

Ferît Şenyaşarî verê edlîye de qisey kerd û vat: ''Înanê ke Pirsûs de nêweşxane de qirkerdiş kerd, reyna tîya de di kesî qetil kerdî. Kam nê kiştoxan û wekîlî pawenê? 4 serrî yo dozgerî nêeşkenê hesabê nê qirkerdişî bipersê. Werte de yew bêhuqûqîyêka pîle est a. AKPyîyan de rî nêmendo ke Riha de mîyanê şarî de bigêrê. Heta ke edalet bêro ma do verê edlîye de nobeta xo rê dewam bikerê.''