Emîne Şenyaşara ke laj û mêrdeyê ci hetê merdimanê Wekîlê AKPyî Îbrahîm Halîl Yildizî ra kişîyayî 205 rojî yo lajê xo Ferît Şenyaşarî reyde verê Edlîyeya Riha de çalakîya nobete kena.

Keyeyê Şenyaşarî hesabê xo yê medyaya dîjîtale ser o no mesaj pare kerd: ''Têkoşînê ma yê edaletî hînî rojan ra vurîya hewteyan, hewteyan ra vurîya mengan, mengan ra vurîya mewsîman. Heta ke ma weş bê  heta ke edalet bêro caardene ma do xoverdayîşê xo rê dewam bikero.''