Emîne Şenyaşara ke di laj û mêrdeyê ci hetê merdimanê Wekîlê AKPyî Îbrahîm Halîl Yildizî ra ameybî kiştene 9ê adara 2021î de verê Edlîyeya Riha de lajê xo Ferît Şenyaşarî reyde dest pê nobeta edaletî kerdbi.

Nobeta edaletî ya Keyeyê Şenyaşarî serrêke xo pey de verdaye. Ewro zî Emîne Şenyaşar û Ferît Şenyaşar verê Edlîyeya Riha de nobeta edaletî de yê.

Keyeyê Şenyaşarî hesabê xo yê twitterî de fotografê çalakîya vizêrîne pare kerde û vat: ''Vizêr pawitoxanê heqanê merdiman ma reyde nobeta edaletî girewte. Ewro zî nobeta ma Serekê Yewîya Baroyan û baroyanê herême reyde dewam bikera. Ma bi di kesan dest pêkerd, siba ma do bibê bi mîlyonan kesan. Ma hema zî qala edaletî kenê. Vera huqûqê serdestan ma do ser bikewê.''

Wina pawîyeno ke Serekê Yewîya Baroyanê Tirkîya Erînç Sagkan û serekê baroyanê herême ewro Keyeyê Şenyaşarî zîyaret bikerê.