Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî qetilkerdene, verê Edlîyeya Riha de lajê xo Ferît Şenyaşarî reyde nobeta edaletî kena.

Ferît Şenyaşar roja 561. ya nobete de verê kuçeyê edaletî de dest pê çalakîye kerd. Dayîke Emîne Şanyaşar seba ke nêweş a, nêeşkaye tewra nobete biba.

Keyeyî hesabê xo yê medyaya dîjîtale de no mesaj pare kerd: ''Krîzo ekonomîk tim beno pîlêr. Seba ke edalet çin o no krîz beno pîlêr. Eke edalet çin bo komelî nêeşkenê payan ser de vinderê. Eke ma nêeşkê debara xo bikerê ganî edaletî biwazê. Eke edalet çin bo nan û aramîye zî çin ê.''