Keyeyê Şenyaşarî 9ê adara 2021î 556 rojî yo seba merdimanê xo yê qetilbîyayeyan verê Edlîyeya Riha de nobeta edaletî keno. Emîne Şenyaşar nêweşîya xo ra nêeşkaye ewro tewra nobeta edaletî biba.

Lajê aye Ferît Şenyaşarî serê sibayî verê Edlîyeya Riha de dest pê nobete kerd. Ferît Şenyaşarî seba ke heta nika waştişê înan nêameyê caardene narey zî çalakîya bêvengîye kerde.

Ferît Şenyaşarî kaxizê A4î ser o 'edalet' nuşt, kerd destê xo û bêvengîye rê dewam kerd. Şenyaşarî dima çalakîye de vat: ''Hînî çîyo ke ez vaja nêmendo, coka mi bêvengîye weçînaye.''