Polîsan serê sibayî eşt keyeyan ser. Anqara de endam û îdarekarê HDPyî, ÎHDyî, sendîkaya SESî bîyî hedefê operasyonê qirkerdişê sîyasî. Sereştişan de 11 kesî ameyî destbendkerdene.

Kesanê ke Anqara de ameyî destbendkerdene: Hemserekê ÎHDyî yê Anqara Fatîn Kanat, îdarekarê SESî Fîkret Çalagan û Belkise Yutsever, endamê Meclîsê Partîye yê HDPyî Bereket Kar, endamê HDPyî Mazhar Yerlîkaya, Şehrîbane Başak, Ethem Ozgan, Sabahattîn Karli, Kemal Akalın, Berfûm Çolak û Zîya Cebecî.

Parlamentero verên ê HDPyî yê Semsûrî Behçet Yildirim zî sereştişan de ame destbendkerdene.

Muxabîrê ajansê xeberan ê DÎHA yo ke bi qerarnameyî ame tepiştene Haci Yusuf Topaloglu Qezaya Kahta ya Semsûrî de bi hedefê polîsanê tirkan. Topaloglu ame destbendkerdene. Ame parekerdene ke polîsanê tirkan wextê destbendkerdişî de çeke naye sereyê Topalogluyî ser o.

Qezaya Wêranşarî ya Riha de taxa Şirnakî de sereştişanê keyeyan de Îrfan Erdem o babîyê di domanan ame destbendkerdene

Amedî de zî sereştişanê keyeyan de Hetkarê Hemserekanê HDPyî Mehmet Şîrîn Tunç û endama Meclîsê Şaredarîya Peyasî Songule Dag Kapanci ya HDPyî ameyî destbendkerdene.

Qezaya Kercewsî ya Êlihî de temsîlakaranê KCDyî yê Kercewsî Mehmet Yildirim ame destbendkerdene.

Êlihî de 25 kesî ameyî destbendkerdene

Merkez û qezayanê Êlihî de tewr tay 25 kesî ameyî destbendkerdene. Êyê ke ameyî destbendkerdene nameyê înan wina yê:Şukru Baytar, Maya Haştîye Nurhane Seçkîn, Mahfûz Akgul, Elîfe Koyuncu, Adil Erîn, Mehmet Salih Turmuş, Mustafa Erol, Seyîthan Tatar, Murat Tekîn, Fatma Kapaligoz, Yaşar Kirca, Ilyas Tiryakî, Halîme Çetînkaya, Ezel Aydin, Derya Arslan, Seyfettîn Demîrkiliç, Cengîz Firat, Guler Turhan, Zozane Adli û Rozerîne Koyuncu.

Agirî de Destbendkerdişî

Merkezê Agirî û Bazîdî de zî îdarekarê HDPyî Kazim Aslan, îdarekarê Qezaya Bazidî yê HDPyî Faruk Sevkan û Okan Sekirden ameyî destbendkerdene. Hanîf Demîr zî Agirî de ame destbendkerdene.