Qezaya Yildirimî ya Bursa de perey şewatî ra 8ê ci domanî 9 merdimê sûrîyeyîjan dinyaya xo bedilnabî. Huseyîn El Cesimo ke keyeyê ci ra her kesî şewat de dinyaya xo bedilnaye, kaxidan kom keno û bi nê hawayî debara keyeyê xo kerdêne. 2 domanê ke şewat de dinyaya xo bedilnabî tekstîl de xebitîyayêne.

Buroyê Koçberan û Multecîyan ê EMEPî Hîlmî Miynatî derheqê babete de ANFyî rê qisey kerd.

Miynatî no serebût sey cînayetêkê komelkî pênase kerd û vat: ''Şewatê keyeyan, şewatê kargehan, erdlerz, laserî de tim xizanî mirenê ke no tesadûfî nîyo. Tîya de raştîyêka komelkîye est a û cînayetêko komelkî est o. Her mergê semedê xizanîye cînayetêko komelkî yo. No keye 2017 de şerî ra ameyo Tirkîya. Babî karkerê tekstîlî yo, di domanî tesktîl de xebitîyayêne. Êyê ke vanê 'multecîyî tîya de bê pere ciwîyenê' wa biewnê fotografê nê keyeyî ra.''

Miynatî îfade kerd ke zimistan de îmkanê germkerdişê domanan do meseleyan bizêdîno û vat: ''Meseleyê karkeranê sûrîyeyîj û tirkîyayîjan heman ê. Şert û mercê asayîşî seba pêro kesan mesele ya. Ganî vera nê cîyanetanê komelkîyan û xizanîye ma têkoşînê hemparî bikerê.''