Raywanê Rayraşîyayîşê Azadîye yê Pîlî yê ke Wanî ra kewtî rayîr, bajarekê Gundikê Melê û Şirnex de bi coşî ameyî pêşwezîkerdene. Raywanî şarê Şirnexî rede ameyî têhet.

Raywanî bi pîya bi şarî heta banê partî rayra şîyî. Rayraşîyayîş de slogananê sey "Bijî berxwedana İmraliyê", "Bijî berxwedana zindanan" ameyî vatene. Rixmê varayîşê vewre bi seyan kesan govenda azadîye girewte.

Parlamentera DEM Partî ya Riha Dîlane Kunt Ayan vat, ''Vera waştişê azadîye yê nê şarî qet çew nêeşkeno vindero. Rayraşîyayîşê ma yê azadîye do heta azadîya Birêz Ocalanî çareserkerdişê meseleya kurdan dewam bikero. Destê ma de mifteyê azadîye û haştîye est o. Roje do bêro ke berê Îmraliyî bêrê akerdene û haştîye bêro.''

Raywananê Azadîye dima ra verê xo da merkezê Şirnexî û tîya zî bi slogananê “Bijî berxwedana İmraliyê" ameyî pêşwazîkerdene. Binê varayîşê vewre de heta banê partîye rayraşîyayîş ame kerdene. Coşê cinîyan dîmenê rengîn vetî wertê.

Parlementa DEM Partî ya Mêrdînî Salîha Aydenîz vat: ''Wa tewirê Şirnexî vera kolonyalîstan wa bibo mesaj. Şima ewro cewabê heme kolonyalîstan da. Di hetan ra 55 kesî pîya bi mîlyonan rayra şinê. Çunke bi mîloyan kesî Birêz Abdullah Ocalanî sey îradeyê xo nas kerd. Çareserîya meseleya kurdan Birêz Ocalan o. Eke bêrê Îmraliyî bêrê akerdene çareserî yena. Ewro têna kurdî nê bi  milyonan kesî fîkranê Birêz Ocalanî qebul kenê û semedê azadîya ci têkoşîn kenê. Qet yew quwet nêeşkeno rayraşîyayîşê ma vindar no. Ma veng danê muxalefet û îqtîdarî; sebebê nê krîz û kosaî meseleya kurdan û tecrîd ê. Ganî tecrîd cade bêro wedaretene.''