Konfederasyonê Şaran ê Demokratîkan ê Ewropa (ADHK), Têgêrayîşê Cinîyan ê Demokratîkan ê Ewropa (ADKH) û Socialist Youth Movement (SYM) eşkerayîyêka hempare daye û Alî Asker Yer yad kerd.

Eşkerayîye de ame vatene ke Alî Asker Yer netîceya qezayêkî de dinyaya xo bedilnaye.

Eşkerayîye de derheqê Alî Asker Yerî de nê çîyî ameyî vatene: ''Embaz Alî Asker Yer qezaya Pêrtagî ya Dêrsimî de keyeyêkê kurdî de ame dinya. Merdimanê ey seba têkoşînî bedelî dayî, îşkence dî û bi serran zîndan de mendî. Wexto ke hema doman bi koçê Ewropa kerd.

O şorişgêrêkê Dêrsimî bi, semedê Terteleyê 38î ra pê hêrsêkê pîlî vera dewleta tirke ya faşîste weriştbi payan ser. Embaz Alî Asker Yer merkezanê kulturî yê Guppingen, Stuttgart, Ulm û Ludwingsburgî yê pabesteyê ADHKyî de têkoşîn kerd. Şexsê Alî Asker Yerî de ma soz danê ka ma do alaya sosyalîsmî heta serkewtişî berz bikerê. Ma sere de keyeyê ci rê pêro heskerdoxanê ey rê serweşîye wazenê.''