Heyetê Rayberdişî yê Merkezê HDPyî derheqê muneqeşe, manîpulasyon û spekulasyonanê ke rojanê peyênan de vera partîya ci yenê kerdene de eşkerayîya nuştekîye daye û nê vatî:

Partîya ma HDP ya ke sîyasetê demokratîkî kena û vera polîtîkayanê îqtîdarê şerî vindena,  rojanê peyênan de sere ci de  zaf muneqeşeyî yenê kerdene. No sîyaseto leymino ke vera ma yeno rayaberdene do ser nêkewo, ma do dahîna hêzê xo bikerê yew û têkoşîn bikerê. Îqtîdaro faşîsto ke pê Planê Çokdayîşî xeta çareserîya demokratîk, muzakeroyo demokatîk û sîyasetê azadî  yê Abdullah Ocalanî tecrîd kerd, pê polîtîkayanê şerî keno ke şarê kurdî rê çok bido dayene û pê împaratorîya tersî keno kee ameyoxê şaranê Tirkîya destê înan ra bîgêro ma reyna venga nê îqtîdarî danê: HDP sareberz payra yo û bi mîlyonan kesî dormeyê ci de yê. Ma bi hewayêkê qeradarî reyna vanê ke ma do têkoşînê azadîye û demokrasîyî cameverdê.

Îqtîdarê AKP-MHPyî sîyasetê şerî rayra beno û no sîyaset welatî rê dano vînkerdene. Heta ke vera poîtîkaya îqtîdarî tewir nêro girewtene têkoşînê azadîye û demokrasîyî mumkun nîyo ke bêro rayraberdene. Ma vanê ke pê çareserkerdiş meseleya kurdan Tirkîya de demokrasî û azadîyeyî eşkenê bêrê pawitene. Meseleya kurdan a neçareserkerdîye û polîtîkayê şerî yê îqîtîdarî çimeyê  verênî yê problemanê bingeyînan ê. Seba ke vera sîyasetê înkarî haştîye û demokrasî waşto bi hezaran kesî zîndanan de yê.

Hêrişo ke rejîmî vera kurdan dayo despêkerdene zere û teberde vera komelî bîyo  şer. Sebebê problemanê kedkaran, cinîyan, elevîyan, xoza, şaran û heme çîyanê bînan no yo.  Wa no zî bêro zanayene ke no sîyasetê bêçareyîye do peynîya nê îqtîdarê faşîstî bîyaro. Înanê ke Planê Çokdayîşî fîna dewre ganî ma pêro pîya çokdayîşê înan seyr bikerê. Polîtîkaya şerî ya teberî welat fînayo çi hal ma pêro pîya vînenê. Partîya  ma û heme hêzê demokrasîyî ganî berpirsîyarîya xo bîyarê ca vera nê sîyasetî wezîfeyê xo bikerî. Têkoşîno demokratîk ê vera îqtîdarî xerîtaya rayîrê ma ya. Ma veng danê; vera îqtîdarê şerî ma têkoşînê demokrasî û azadîye de bibê yew. Faşîzm do bin bikewo û şarî ser bikewê.’’