Bi Telîmatnameyê ''Goreyê Qanûnê Mehkemeya Ceza yê Derheqê Dîyarkerdişê Lîsteyanê Açarnayoxan' ê 2013î Mehdî Tanrikulu serra 2018î ra nata nêgêreyîyeno mîyanê lîsteya açarnayoxanê Edlîyeya Çaglayanî.

Tanrikuluyî 2007 de Noterê 1. ê Beyogluyî de sertîfîkaya açarnayoxîya kurdkî girewta. Tanrikuluyo ke açarnayoxo sondwerde yê Kurdkî yo verên ê Tirkîya yo vat: ''Ê çaxî ra nata qasê 50 zaptê min ê sondî bîyî. Min xeylêk karê min ê fermîyî çareser kerdî.''

Tanrikulu semedo ke Mudirê Karanê Nuşteyan ê rojnameyê Azadîya Welat bi Mehkemeya Cezaya Girane  ame muhakemekerdene, semedo ke waşt bi kurdkî pawitişê xo bikero 2 mengan zîndan de mend. Tanrikuluyî pare kerd ke Tirkîya dewaya Mehkemeya Heqanê Merdiman a Ewropa (MKME) de ceza werde la rixmê ney zî dişmenîya vera kurdan ra fek vera nêdana.

Tanrikuluyî vat: ''Şertê winayênî yenê mi verî ke seke endamê MÎTî gênê. Mi semedê telîmatnameyî 2019 de 2019 de dewa akerde û dewa ameye betalkerdene. Mi emser semedo ke biba açarnayoxê sondwerdeyî muracatê Edlîyaya Çaglayanî kerd. Ganî no telîmetnameyê vera merdimîye bêro betalkerdene. Armancê nê telîmatnameyî têna astengkerdişê açarnayoxîya sondwerde ya kurdkî yo.''