Newroza 2023yî  bi şîarê “Her der Newroz, Her dem Azadî” û “Bi adirê Newroze ver bi azadîye ” yena pîrozkerdene.'' Aktîvîteyanê  Newroze de rîyê erdlerzî ra do hunermend û qiseykerdoxî pê kincanê sîyayan do xo têbestê, kesê ke erdlerzî de merdî bêrê yadkerdene û tewirê îqtîdarî yê erdlerzî bêro şermezarkerdene.

Adiro verên ê Newroze emser 15ê adare de Şemşîzanê Colemêrgî de ame wekerdne. Şayîyê 18ê adare do 21ê adare de bêrê kerdene.  Reyna rîyê felaketa laserî ra Newroza Wêranşarê Riha û yê hîrê bajaranê bînan ameyî betalkerdene.

Cayê ke do Newroze bêro pîrozkerdene wina yê:

19ê Adare: Dêrsim, Çewlîg, Êlih, Sêrt, Îdir, Wan, Mûş, Anqara, Mersin, Antalya, Îzmîr, Aydin, Mugla, Denîzlî, Manîsa, Bursa, Îstanbul, Qoser, Balikesîr-Ayvalik, Kocaeli-Gebze, Tetwan, Gever û Sakarya Arîfiye.

 20ê Adare: Qers, Colemêrg, Xarpêt-Dep, Agirî, Agirî-Patnos, Erdexan û  Erzirom-Qereyazî 

21ê Adare: Amed, Cizîr, Çanakkale, Balikesîr-Bandirma, Erdexan-Gole, Bazîd, Nisêbîn, Mûş-Margîrt.