Agir Stêrk (Abdullah Osmanoğlu/ Êlîh/ Şukrane-Alî) û Mehmet Axîn (Rênas Benek/ Wan/ Ayfere-Kazim) 17ê kanûna 2018î de Herêmanê Pawitişî yê Medya de hêrişê dewleta tirke de şehîd bîyî.

Agir Stêrk şehadetê xo ra verî Cell de û Hannover de kar kerd û wextêk hemserekîya Merkezê Komelê Demokratîkî yê Kurdan ê Celle kerd. Kurdîstanîjî seba yadkerdişê her di şehîdan Keyeyê Êzidîyan ê Celle de ameyî pêser. Merasîmê yadkerdişî bi deqayêkê rêzgirewtişî dest pêkerd. Dima Hemserekê NCDK-Celle Şêx Behcetî qisey kerd û vat: ''Pêro şehîdê ma qey ma sey ci yê. Agir Stêrk şaristanê Hannoverî û Celle de cigerê ma vêşna."Nameyê Keyeyanê Şehîdan (KOMAW) Apê Hesenî qisey kerd û vat: "Ganî ma seba ke waştişê şehîdanê xo bîyarê ca bixebitê." Dima derheqê Şehîd Agîrî û embazê ci Axînî de sînevîzyonêk ame mojnayene. Waya Agirî derheqê birayê xo de wina qisey kerd: "Birayê ma bi hûyayîşê xo ameyêne şinasnayene û zaf welatperwer bi. Cuya ci şay bîye. Ma do her wext bêrîya ci bikê." Temsîlkarê Têgêrayîşê Ciwanan ê Şorişgêran zî îfade kerd ke hewn û xeyalê Agirî ameyî caardene. Yadkerdiş bi slogananê ''Biciwîyo Serek Apo'' û ''Şehîdî Nêmirenî'' qedîya.