Komîteya Paştdayîşê Keyeyanê Şehîdan a PKKyî bi wesîleya serrgêra şehadetê Agir Stêrkî (Abdullah Osmanoglû / Êlih / Şukrane-Alî) û Mehmet Axînî (Rênas Benek / Wan / Ayfere-Kazim) eşkerayîyêk weşanaye.

 Eşkerayîya wina ya:

"Kurdan tarîxê xo de her tim seba estbîyayîşê xo têkoşîn kerd û bi hawayêkê bêhempa xo ver da. Şehîdî temsîlê asta tewr berze yê fedakarîye yê ke krîtero bingeyîn ê komelbîyayîş o. Naye ra PKK patîya şehîdan o ke ê kesî seba şarê xo eşkenê ganê xo feda bikê. Coka sozê caardişê hesretê şehîdan xeta bingeyîne ya cuye ya her şerwanê azadîye ya.

Rayraşîyayîşê azadîye rayraşîyayîşê şehîdan o, rayraşîyayîşê xoverdayoxan pîl o û rayraşîyayîşê hêvîya şarêkî yo ke werişt payan ser. Milîtanê PKKyî bi nê vîr û bawerîye wexto kê kewtî verarê erdî qet bawer nêkerd ke merdî. Înan baş zanayêne ke nefesê xo yê peyênî de ê do verar şorê erdî ro. Coka xo fedakarîye ra dûrî nêgirewt, têkoşînê tewr giranî de canê xo feda kerdî.

Şehîdanê PKKyî yê ke rojanê destpêkan ê menga kanûne de kewtî verarê erdî pêro tarîxê PKKyî de mojna ma ke na raştîye bi nê hawayî ya. Menga kanûne de di embazê ma tewrê karwanê şehîdan bîyî. Embazê ma Agir Stêrk-Abdullah Osmanoglu û Mehmet Axîb-Rênas Benek 17ê kanûna 2018 de şehîd bîyî.

Embazê ma Agir Stêrk-Abdullah Osmanoglu serra 1993î de Êlih de ame dinya û serra 2017î de Almanya de tewrê partîye bi. Embaz Agir zaf jîhat bi û wextêkê kilmî de kar musa. Serra 2018î de bi israrê ci tewrê gerîlayan bi. Embaz Agir bi rîyê xo yê huyayeyî, bi fedakarîya xo zaf lez musa koyan. Embaz Agîr nê bingeyî ser o tewrê karî bi labelê bi hawayêkê bêşansî 17ê kanûna 2018î de Herêmanê Pawitişî yê Medya de hêrişêkê hewayî de embaz Mehmet Gûyî reyde tewrê karwanê şehîdan bi.

Embaz Mehmet Axîn-Rênas Beneko ke eynî roje şehîd bi serra 2000î de dadîya xo ra bi û serra 2016î de tewrê partîye bi. Embaz Mehmet bi çalakbîyayîşê xo û karkerîya xo her tim xo aver berd û sey merdimêkê zaf kamilî têgêra. Embaz Mehmet bi rîyê xo yê huyayeyî û sempatîkîya xo hetê embazanê xo ra tim ameyêne heskerdene.

Embazanê ma Agir Stêrk û Mehmet Axîn newe tewrê gerîlayan bibî û bi hawayêkê bişansî hêrişanê artêşa tirke ya îşxalkere de şehîd bîyî. Ma soz danê ke ma do Kurdîstanêkê azadî û xoserî dîyarîya şarê xo bikê. Şexsê her di embazanê ma de ma soz danê şehîdan û şarê xo. Sere de keyeyê înan rê ma pêro şarê Kurdîstanî rê serweşîye wazenê û ma venga şarê xo danê ke vera faşîzmî hîna xurtêr têkoşîn bikerê."