Akar û Yaşar Hewlêr de yê

Wezîrê Pawitişî yê Tirkîya Hulusî Akar û Serekê Fermandarîya Pêroyî ya Artêşe Yaşar Guler Hewlêr zîyaret kerd.

Serkêşîya yetêkê tirkî serkêşîya Wezîrê Pawitişî yê Tirkîya Hulusî Akar û Serekê Fermandarîya Pêroyî ya Artêşe Yaşar Guler roşa dişemeyî destpêk de  Bexdad zîyaret kerd, Serekkomarê Iraqî Berhem Salih û Serekwezîr Mistefa Kazimî reyde pêvînayîş kerd.

Kombîyayîşî ra dima buroyê Serekwezîrîye de eşkerayîyêke ameye dayene û ame parekerdene ke pêvînayîş de 'menfaatê hemparî' û 'xurtkerdişê leşkerîye' yê wird welatan ameyî ercnayene. Pêvînayîş de hûrmetîa serwerîya Iraqî zî ameye nîqaşkerdene.

Heyetê tirkî dima Hewlêr zîyaret kerd. Wezîrê Pêşmergeyan Şoreş Îsmaîl, Serekê Dîwanê Serekîye yê Herêma Kurdîstanî Fewzî Harîrî û Berpirsîyarê Têkilîyanê Teberî Sefîne Dîzeyîyî heyet pêşwazî kerd.

Pawîyeno ke heyet Serekê Herêma Kurdîstanî Nêçirvan Barzanî û Serekwezîr Mesrûr Barzanîyî redye pêvînayîş bikero.

Zîyaret wextêk de ke  hêrişê dewleta tirke yê vera Başûrê Kurdîstanî zêdîyayî yeno kerdene.

Derheqê tedeyîya zîyaretî de eşkerayîye nêameye dayene.