Şaristanê Timişoarî yê Romanya 13ê teşrîna peyêne de  polîsan eşt otêle ser ke rojnamegero kurd Nurî Akman, 3 sîyasetmedarê kurdî zî tede 50 multecîyî tede mendêne. 50 kesî ameyî destbendkerdene û rixmê muracatê multecîtîye înan ra 35 kesî teslîmê Tirkîya ameyî kerdene.

Ciwanê bi nameyê Rohato ke Romanya o teslîmê Tirkîya kerd, pare kerd ke Timişoara de hema zî zaf multecîyê tirk û sûrîyî zîndan de yê. Ciwanî îfade kerd ke hewteyêk o nezaret de mend û maruzê têgêrayîşêkê xirabî mend.

Selahîyetdaranê Romanya vizêr xîret kerd ke bi zorî Nurî Akman, Serbest Derîn û Lokman Coşkun cinuşnê teyara. Labelê înan xo ver da û hema zî 3 kesî zî meydanê tayarayan de tepişîyenê. Avûkatî vizêr şan şîyî uca la ameyî astengkerdene.