Aktîvîteya Gaxanî de 6 kesî ameyî destbendkerdene

Taxa Gazî ya Îstanbulî de bi wesîleya dekewtişê serra neweye aktvîteya Gaxanî ameye organîzekerdene. Polîsan hêrişê aktîvîte kerd û Serekê Pêroyî yê DEDEFî Alî Haydar Ben zî tede 6 kesî destbend kerdî.

Federasyonê Komeleyanê Dêrsimî (DEDEF)  taxa Gazî ya Îstanbulî de bi wesîleya dekewtişê serra neweye aktvîteya Gaxanî organîze kerde. Polîsan hêrişê aktîvîte kerd û Serekê Pêroyî yê DEDEFî Alî Haydar Ben, Serekê Komeleya Dêrsimijan a Gazî  Haydar Altun, û  û endamê ci Zelale Konak,  Sînan Candan, Onur Narîn  û Teslîmo ke peynameyê ci nêame zanayene destbend kerdî.

DEDEFî derheqê babete eşkerayîyêk daye  û nêrazîbîyayîşê xo ramot. Eşkerayîye de ame vatene ke  polîsan hêrişê aktîvîteya ma kerd. Guleyî eştî hawayî û bi derbkerdişî embazê ma destbend kerdî. Polîsan bi bahaneyê Gaxanî embazê destbend kerdî.