Dewleta Tirkan a ke 9ê teşrîna verêne ra nat hêrişê Vakur û Rojhelatê Sûrîye kena hêrişanê xo de çeka fosfora sipîye xebitnena û bi nê hawayî qanûnê mîyanneteweyî binpay kerdî.

Dima ke xebitnayîşê fosfora sipîye medyaya dinaya de ame weşanene Parlamentera Partîya Çepe ya Almanan Ulla Jelpke babete berde meclîsê federalî. Jelpke xeberê Newsweekî û The Timesî sey çime mojnayî û bale ante endamîya NATOyî ya Tirkîya û rolê Almanya yê mîyanê Rêxistina Qedexekerdişê Çekan ê Kîmyewîyan (OPCW) ser. Jelpke persa ke vera Hukmatê Tirkan do cigêrayîşêk do bero kerdene yan ney. Musteşarê Wezaretê Karanê Teberî Antje Leenderste cewabê persî da. Gore cewabo ke destê  ANFyî  de yo yeno vatene, "Zanayîşê derheqê xebitnayîşê fosfora sipîye yê Sûrîye de ma medya ra girewtî. Babeta cigêrayîşî ya nê serebûtî de Almanya wezîfedar nîya. Babete berpirsîyarîya OPCWyî de ya."