Paytextê Almanya Berlin de bi slogana ''Qedexeyê serê PKKyî wedarê demokrasî hêzdar bikerê' bi hezaran kurdan û dostanê înan çalakîye kerde. Çalakwanê ke bi desan bajaran ra tewrê çalakîye bîyî, waşt wa qedexeyê serê PKKyî bêro wedaritene.

Rayraşîyayîş  Oranienplatzî ra heta Schlossparkî  ame kerdene ke Wezîrîya Karanê Almanya ûca de ya. Rayraşîyayîş de sloganê sey “Terorist Erdogan”, “Biji Partiya Karkerên Kurdistan”, “Jin Jiyan” Azadî”, “Bîjî Serok Apo”, “Bîjî Berxwedana Gerila”, “Cîwan Fedaiyê Rêber Apo ye” bîyî berz. Çalakîye dima ra açarîyaye mîtîngî.

Hemserekanê KON-MEDî Rûkene Akça û Kerem Gokî qedexeyê serê PKKyî sey qerarê sîyasîyî hesibna û veng da ke wa qedexeyê ca de bêro wedaritene.

Vervatoxa Karanê Teberî yê KNKyî Nilufere Koç zî bale ante meseleya kurdan ser û veng da hukmatê Almanya ke wa qedexeyê serê PKKyî wedaro.

Hemsereka KCDK-E Zubeyde Zumrut zî vat, ''30 serrî yo PKK Almanya de qedexeyo la ma nêqedexeyî nas nêkenê. Ma zaf bedelî dayî, hema zî danê la ma peyser game nêeşte.  Çunke no hema destpêkerdişo. No têkoşîno demokratîk rayraşîyayîşê azadîya Rayber Apoyî û satuyê Kurdîstanî yo û do bireso serkewtişî.''

Mîtîngê ''Qedexeyê serê PKKyî wedarê demokrasî hêzdar bikerê'' bi deyîranê hunermend Kawa Urmîye dewam kerd.