Paytextê Almanya Berlin de kurdan û dostê înan vera qedexeyê serê PKKyî vejîyayî waran. Rayraşîyayîşo ke hetê Înîsîyatîfê PKK-Verbot Aufheben Demokratie Starken (Qedexeyê serê PKKyî wedarê demokrasî hêzdar bikerê) ame organîzekerdene Berlin de dest pêkerd.

Bi desan bajaranê Almanya ra bi hezaran kesî tewrê rayraşîyayîşî bîyî. Rayraşîyayîş do Oranienplatzî ra heta Schlossparkî bêro domnayene ke Wezîrîya Karanê Almanya ûca de ya. Çalakîye bi rêzgirewtişî dest pêkerde û sloganê'Şehîd namirin' bîyî berz.

Qiseykerdişan bale ameye antene bombardumanê dewleta tirke yê vera Kurdîstanî ser û ame waştene ke wa qedexeyê serê PKKyî bêro wedaritene.  Bi hezaran kesan bi slogananê “Hat Hat PKK", "Bijî Serok Apo" ve "Be Serok Jiyan Nabe” qîrayî. Badê qiseykerdişan rayraşîyayîşê vera qedexeyê serê PKKyî dest pêkerd.