Merkezê Kulturê Kurdan ê Ahmet Kayayî  de Nobeta Edaletî ya ke semedê Evîne Goyî, Mîr Perwer û Abdurrahman Kizilî ameye destpêkerdene, dewam kena. Şar merdimanê şehîdan semedê tehzîye zîyaret keno.

Endama Parlamentoyê Eyaletê NRWyî yê Almanya Berîvane Aymaz, Berpirsîyarê Waqfê Heinrich Bollî yê Fransa Marc Berthold, Serekê Cemîyetê Kurdan ê Almanya Mehmet Tanrıverdi û Sekreterê Cemîyetî Cahit Başerî ra heyetî ke komele de merdimê şehîdan zîyaret kerdî.

Berîvane Aymaza ke merdimanê şehîdan rê serweşîye waşte, ard ziwan ke hêriş de kurdî ameyî hedefgirewtene û vat: ''Fransa de zaf xerîbî est ê. Eşkera yo ke nê şexsî kurdî hedef girewtî û no hêriş kerd. No hêriş vera kurdan bi. Ganî edaletê Fransa probleman bi giranî bigêro dest. Seba ke qirkerdişo ke des serrî verê cu ame kerdene, serê ci ame girewtene, no qirkerdiş ame kerdene.''